Нийслэлийн Засаг дарга бөгөөд Улаанбаатар хотын захирагч Г.Мөнхбаяр тэргүүтэй төлөөлөгчид ХБНГУ-д хийж буй айлчлалынхаа хүрээнд Франкфурт-Майн хотод зочилж, Франкфурт-Майн хотын дарга хатагтай Петра Рооттой албан ёсны уулзалт хийв. Германы банк санхүүгийн төв болсон энэхүү хотын даргын албыг эдүгээ 17 жил хашиж буй хатагтай П.Рооттой хийсэн уулзалтын хүрээнд хот төлөвлөлт, хотын ерөнхий төлөвлөгөө, хотын дэд бүтэц, нийтийн тээвэр, усны хангамж зэрэг олон асуудлаар санал солилцов.

2012 оны 01 дүгээр сарын 21-ний өдөр “Хүнсний хангамжийг тогтвортой өсөлтөөр-Ховордож буй түүхий эдийг хөдөө аж ахуйн салбарт ашиглах нь" сэдвээр зохион байгуулагдсан  ХАА-н сайд нарын Дээд хэмжээний 4 дүгээр уулзалтанд Хүнс хөдөө аж ахуй хөнгөн үйлдвэрийн дэд сайд Ж.Сауле оролцов.

Дэлхийн 64 орны Хөдөө аж ахуйн сайд нар, НҮБ-ийн Хүнс, хөдөө аж ахуйн байгууллагын төлөөлөл болон Европын Комиссын ХХАА эрхэлсэн Нарийн бичгийн дарга нарын газар тус тус оролцсон дээд хэмжээний уулзалтаар энэхүү уулзалтаас гарах төгсгөлийн баримт бичгийн төслийн талаар санал бодлоо солилцов.

Онц бөгөөд Бүрэн эрхт Элчин сайд Б.Даваадорж Холбооны Гадаад хэргийн яамны Ёслолын газрын захирал ноён Элчин сайд К.Вокалектэй 2012 оны 1 дүгээр сарын 25-ны өдөр Холбооны ГХЯ-нд уулзав. Уулзалтын үеэр хоёр тал энэ онд харилцан хийх айлчлалын талаар ярилцаж санал солилцов.

Нийслэлийн засаг дарга айлчлалынхаа хүрээнд Берлин хотын дарга ноён К.Вовэрайттай албан ёсны уулзалт хийж, орон нутгийн сонгуульд амжилт байгуулж, шинэ засгийн газраа байгуулсанд баяр хүргэн, хот байгуулалт, хот төлөвлөлт, архитектор бэлтгэх болон давтан сургах зэрэг хоёр талын харилцан ашигтай байх зарчимд суурилсан харилцаа, хамтын ажиллагааны сэдвээр тус тус санал солилцов.

Монгол Улсаас ХБНГУ-д суугаа Онц бөгөөд Бүрэн эрхт Элчин сайд Б.Даваадорж Шлесвиг Холштайн муж улсын Ерөнхий сайд Петер Харри Карстэнсэний урилгаар Берлин хотноо зохион байгуулагдсан "Ногоон 7 хоног" үзэсгэлэн яармаг дахь Шлесвиг Холштайн муж улсын "22а" танхимд 2012 оны 1 дүгээр сарын 20-ны өдөр зочлов.

Энэхүү арга хэмжээний хүрээнд Элчин сайд Б.Даваадорж тус муж улсын хүнс, хөдөө аж ахуйн бүтээгдэхүүн үйлдвэрлэгчидтэй уулзан санал солилцов.

Монгол Улсын Хүнс, хөдөө аж ахуй, хөнгөн үйлдвэрийн дэд сайд Ж.Сауле Холбооны Хүнс, хөдөө аж ахуй, хэрэглэгчдийн эрх ашгийг хамгаалахын сайд хатагтай И.Айгнэрийн урилгаар ХБНГУ-д ажлын айлчлал хийж байна. Дэд сайд Ж.Сауле энэхүү айлчлалынхааа хүрээнд “Олон Улсын Ногоон Долоо Хоног” арга хэмжэний нээлтийн ажиллагаанд оролцов.

“Ногоон Долоо Хоног”- арга хэмжээ нь 77 дахь жилдээ зохион байгуулагдаж байгаа бөгөөд эдүгээ дэлхийн хүнс, хөдөө аж ахуйн салбар дахь хамгийн том үзэсгэлэн болжээ.

Энэ жил тус арга хэмжээнд нийт 70 орны Хүнс хөдөө аж ахуйн сайд, дэд сайд нар оролцож байгаа бөгөөд Румын Улс 2012 онд түнш орноор оролцож байна.

Холбооны Бүгд Найрамдах Герман Улсын Ерөнхийлөгч К.Вулфф Берлин дэх Дипломат төлөөлөгчийн газруудын тэргүүн нарыг хүлээн авч шинэ оны мэндчилгээ дэвшүүлэх ёслол өнөөдөр Холбооны Ерөнхийлөгчийн ордонд болов. Жил бүрийн уламжлалт арга хэмжээнд Монгол Улсаас Холбооны Бүгд Найрамдах Герман Улсад суугаа Онц бөгөөд Бүрэн эрхт Элчин сайд Б.Даваадорж оролцож Холбооны Ерөнхийлөгчид мэндчилэв.

 Ерөнхийлөгч К.Вулффын хэлсэн үг 

ХБНГУ-д оршин сууж буй Монгол Улсын нийт иргэддээ 2012 оны мэндчилгээ дэвшүүлэхийн ялдамд ЭСЯ-ны хамт олны өмнөөс болон хувиасаа эрүүл энх, аз жаргал, сайн сайхан бүхнийг хүсэн ерөөе.

Монгол Улсаас ХБНГУ-д суугаа Онц бөгөөд Бүрэн эрхт Элчин сайд

Балдоржийн Даваадорж