“Ашигт малтмал, аж үйлдвэр, технологийн салбарт хамтран ажиллах тухай Монгол Улсын Засгийн газар, Холбооны Бүгд Найрамдах Германы Засгийн газар хоорондын хэлэлцээр”-ийн хэрэгжилтийг зохион байгуулах, хяналт тавих чиг үүрэг бүхий Монгол, Германы Засгийн газар хоорондын Ажлын хэсгийн хоёрдугаар хуралдаан өнөөдөр /2013 оны 5 дугаар сарын 8-ны өдөр/ Улаанбаатар хотноо боллоо. 

Ашигт малтмал, аж үйлдвэр, технологийн салбарт хамтран ажиллах Монгол, Германы Засгийн газар хоорондын Ажлын хэсгийг монголын талаас Үйлдвэр, хөдөө аж ахуйн сайд Х.Баттулга, германы талаас Холбооны Эдийн засаг, технологийн яамны Төрийн нарийн бичгийн дарга Др.Б.Хайцер нар тэргүүлэн тус хуралдааныг удирдан явуулав.

Ашигт малтмал, аж үйлдвэр, технологийн салбарт хамтран ажиллах Монгол, Германы Засгийн газар хоорондын ажлын хэсгийн II хуралдаан 5 дугаар сарын 8-ний өдөр Улаанбаатар хотноо болно.

Үүнээс гадна Монгол-Германы Эдийн засгийн хороо III дугаар хуралдаанаа 5 дугаар сарын 6-8-ны өдрүүдэд хийнэ.

Зам, тээврийн яамны Төрийн нарийн бичгийн дарга Б.Батзаяа, ТЗБХЗХ-ийн дарга Б.Артур нар 2013 оны 4 дүгээр сарын 28-наас 5 дугаар сарын 05-ны өдрүүдэд ХБНГУ-д ажлын айлчлал хийж байна. Айлчлалын үеэр 4 дүгээр сарын 29-ний өдөр Мюнхен хотноо Холбооны тээвэр, барилга хот байгуулалтын яамнаас зохион байгуулсан “Төмөр замын ирээдүй ба дэлхийн зах зээлд оролцох Европын боломжууд” сэдэвт олон улсын бага хуралд оролцов.

УИХ-ын Монгол-Германы парламентын бүлгийн дарга Р.Бурмаа тэргүүтэй төлөөлөгчид Конрад-Аденауэрын сан (КАС)-гийн урилгаар ХБНГУ-д энэ оны 4 дүгээр сарын 21 - 28-ны өдрүүдэд германы улс төрийн сангуудын үйл ажиллагаатай танилцах айлчлал хийж байна. Төлөөлөгчдийн бүрэлдэхүүнд УИХ-ын дэд дарга Л.Цог, УИХ-ын гишүүн Су.Батболд болон бусад албаны хүмүүс багтаж байна.

Монгол Улсаас ХБНГУ-д суугаа Элчин сайд Б.Даваадорж Бундестагийн дэд ерөнхийлөгч ноён Эдуард Освальдтай уулзаж, монгол-германы харилцаа, хамтын ажиллагааг хөгжүүлэх талаар ярилцаж, Бундестагийн дэд ерөнхийлөгчийн ирэх сарын сүүлчээр Монгол Улсад хийхээр төлөвлөж буй айлчлалын талаар санал солилцов.

ХБНГУ-ын нийслэл Берлин хотноо 2013 оны 4 дүгээр сарын 22-23-ны өдрүүдэд "ХБНГУ болон Төв Ази-хамтын ажиллагааны үр шимээр дэвшилд хүрэх нь" сэдэвт Төв Азийн эдийн засгийн дөрөвдүгээр бага хурал болж байна.

Монгол Улсаас ХБНГУ-д суугаа Элчин сайд Б.Даваадорж 2013 оны 4 дүгээр сарын 22-ны өдөр Холбооны Гадаад хэргийн Төрийн сайд хатагтай Корнелиа Пийпертэй уулзаж, хоёр орны Гадаад харилцааны яамд хоорондын хамтын ажиллагааны асуудал болон Төрийн сайдын 5 дугаар сарын эхээр Монгол Улсад хийх айлчлалын талаар ярилцаж, санал солилцов.

"Баума" үзэслэнгийн хүрээнд Германы машин механизм, тоног төхөөрөмжийн холбооноос  4 дүгээр 18-ны өдөр Мюнхен хотноо зохион байгуулсан "Länder Special-Mongolei" арга хэмжээнд ЭСЯ-ыг төлөөлөн нэгдүгээр нарийн бичгийн дарга Д.Тэгшжаргал оролцож, "Монгол-Германы түүхий эдийн түншлэл" сэдвээр илтгэл тавив.

Монгол Улсын Үндэсний аюулгүй байдлын Зөвлөлийн Стратегийн судалгааны хүрээлэнгийн захирал Д.Ганбат тэргүүтэй ХЗЯ, ССХ-гийн төлөөлөгчид улс орны аюулгүй байдлын бодлогыг тодорхойлох, хяналт тавих механизмыг бүрдүүлэхэд эрдэм шинжилгээ, судалгааны байгууллагын гүйцэтгэх үүрэг, түүний хууль эрх зүйн орчны чиглэлээр туршлага судлах, холбогдох байгууллагуудтай ажлын хэлхээ, холбоо тогтоох зорилгоор ХБНГУ-д энэ оны 4 дүгээр сарын 15-19-ний өдрүүдэд айлчилж байна.

Монгол Улс ХБНГУ хоорондын хамтын ажиллагааг муж улсын түвшинд гүнзгийрүүлэх зорилгын дагуу Элчин сайдын яамны батлан хамгаалахын атташе дэд хурандаа Д.Эрдэнэбилэг, атташе Ц.Энхсайхан нар  Тюринген муж улсын Эрфурт хотноо 2013 оны 4 дүгээр сарын 12-14-ний өдрүүдэд зохион байгуулагдсан “Морь унах, ан агнах, загасчлах” сэдэвт үзэсгэлэнд оролцов.